Met die rassekaarte wat weer deesdae na hartelus uitgedeel word ,kon ek nie help om die laaste tyd ons eie Afrikaanse sangers se persepsies hiervan in hul lirieke raak te lees nie .
Hoor jy die magtige dreuning
Hoor jy die magtige dreuning
deur die land van bloed en heuning
Hoor jy hoe skreeu die vroue
Hoor jy hoe val die houe
Hoor jy die magtige dreuning
Was dit ‘n koeël of ‘n klapper
‘n hulpkreet of gejuig
was dit ‘n kind wat gil van vreugde
of word ‘n boompie wreed gebuig
Hoor jy die magtige dreuning?
So gaan ons aan,so kom ons om
Dis alles so banaal
Tik tak,tik tok ,dan lui die klok
En die swart skip kom jou haal
Hoor jy die magtige dreuning
Deur die land van bloed en heuning
Hoor jy hoe blêr die moflam-so word hy verlos
langs Klipfontein se afrit
met ‘n kopskoot kaal gelos
Hoor jy die magtige dreuning
Deur die land van bloed en heuning
Die wagte by die poorte het lankal padgegee
Die besmette lied van Afrika is in ‘n lanferlap geklee
Hoor jy die magtige dreuning
So gaan ons aan,so kom ons om
Dis alles so banaal
Tik tak tik tok en dan lui die klok
En die swart skip kom jou haal
©Amanda Strydom - 2006
Tsotsi
Agter Marabastad is ek gebore in 'n krot
Ek het groot geword op pap en my eie snot
Die vuur van my gewete het ek lankal reeds versmoor
en toe in die donker my pad verloor
Op 15 in die tronk kry ek my doktersgraad
en open 'n praktyk in Rockeystraat
Poeier vir jou ego of pille vir jou id
of soek jy dalk 'n hitman om jou skoonma te kom skiet
Ja, van steel en van plunder is ek 'n connoisseur
ek sal die strate regeer met my haelgeweer
daar is baie daar soos ek, vampiere van die nag
hiënas in die donker loop ons rond en wag
Soos gangsters op die TV, verhewe bo die staat
mens kan alles vermag deur die wortel van kwaad
Ek dra my dreadlocks hoog soos 'n kroon bo-op my kop
en as jy vir my skuins kyk, fok ek jou op
Maar oor een ding is ek seker - hieroor weet ek ek's reg
die vel van jou kleur maak jou nie goed of sleg
Blameer tog nie die duiwel wat in jou ore suis
dis jy, dis net jy maak jou eie kruis
©Thys Nywerheid - Husse Met Lang Messe (2008)
“Witman”
Witman loop deur die nuwe era strate
Honger in die sakke en vloeke in die mond
Witman kyk na die vrygestelde slawe
Vergete monumente, Bloedrivier, Godsverbond
Witman loop met ‘n swart agorafobia
Soli deo Gloria, strate van Pretoria
Witman se toekoms lyk al meer lagwekkender
Laat in die nag lê hy wakker wakker wakker wakker
Witman! Witman!
Witman loop deur die Trellidor utopia
Volkskonsentrasiekamp, onbewus euforia
Witman loop ongemaklik in sy vel
Elke tree wat hy gee ‘n bietjie nader aan die hel
Witman nihilisties, witman fatalisties
Kripties pessimisties oor die mensdom dom dom
Witman se toekoms lyk al meer skrikwekkender
sy hart tik tik soos ‘n tydbom bom bom
Witman! Witman!
Witman voed op die oorskiet van verlede dae
Oplossings van gister vir probleme van die hede dae
Witman werkloos, witman ambisieloos
Witman staar die mure plat met grafte in sy oë
Witman gaan siel verloor, witman gaan familiemoor
Witman heelnag wakker soos ‘n lewendige lyk
Witman se rewolwer lê gereed onder sy kussing
Môre-oggend vroeg skiet hy sonder om te kyk KYK
Witman!
© K.O.B.U.S. – Swaar Metaal (2007)
